禮拜一好鬼忙，但係好彩嘅係九成嘅人都正常。
1. 有個少女黎睇醫生攞轉介信。佢住葵涌。我叫佢攞封信去瑪嘉烈醫院專科門診排隊。佢問我可唔可以去葵涌醫院。我話呀女，你呢一世都唔好去呀，成棟葵涌醫院都係精神科。
2. 依家生蛇有年輕化趨勢。今日有個熟客黎睇症，其實係過嚟R水吹。佢話佢個20幾歲囡啱啱生蛇。佢好驚咁問我係唔係啲蛇生到一個圈就會死。乜而家仲有呢支歌仔唱緊咩？謬誤呢家野真係唔好咁易信。
我哋年代嗰啲人個個都係出水痘，唔係打水痘疫苗。50歲以上得閒就打返支蛇針啦。
3. 有兩個女仔黎打子宮頸癌針。填問卷嘅時候發現Period唔Regular，過咗28日，又sexually active。咁姑娘會問佢最近一次行埋係幾時。少女1好好咁幫少女2將廣東話翻譯為廣東話：「佢即係問你幾耐之前啪啪啪過？」Viu TV都幾成功啊。
***
今日相約好友's去食巴西任食餐廳。係食肉獸嘅天堂。可惜我呢幾排食滯咗。
Search